Дзяржаўнае навукова-вытворчае аб’яднанне «Оптыка, оптаэлектроніка і лазерная тэхніка» створана ў канцы 2011 года ў адпаведнасці з Указам Прэзідэнта Рэспублікі Беларусь ад 31.10.2011 №494 «Аб удасканаленні арганізацыйнай структуры Нацыянальнай акадэміі навук Беларусі» у форме самастойнай юрыдычнай асобы.
У склад Аб’яднання ўваходзяць наступныя юрыдычныя асобы:
– Інстытут фізікі Нацыянальнай акадэміі навук Беларусі
– Цэнтр светадыёдных і оптаэлектронных тэхналогій Нацыянальнай акадэміі навук Беларусі
– Цэнтр геафізічнага маніторынгу Нацыянальнай акадэміі навук Беларусі
– Прыватнае навукова-вытворчае ўнітарнае прадпрыемства «Девелоп груп»
З 01.01.2016 ў адпаведнасці з Пастановай Бюро Прэзідыума «Аб перадачы структурных падраздзяленняў Інстытута фізікі НАН Беларусі ў ДНВА «Оптыка, оптаэлектроніка і лазерная тэхніка» ад 16.02.2015 №51 у склад Аб’яднання былі ўключаны 4 навуковыя лабараторыі Інстытута фізікі НАН Беларусі.
Аб’яднанне развівае навукова-тэхнічнае супрацоўніцтва з арганізацыямі і прадпрыемствамі Рэспублікі Беларусь, якія працуюць у вобласці мікра-, опта- і ЗВЧ-электронікі. З гэтай мэтай у лютым 2017 года створаны інавацыйна-прамысловы кластар «Мікра-, опта- і ЗВЧ-электроніка», У склад кластара ўключаны:
– ДНВА «Оптыка, оптаэлектроніка і лазерная тэхніка»
– Інстытут фізікі НАН Беларусі
– НПЦ НАН Беларусі па матэрыялазнаўству
– ААТ «Інтэграл»
– ААТ «Планар»
– ААТ «Мінскі НДІ радыёматэрыялаў»
– Беларускі дзяржаўны універсітэт
– Беларускі дзяржаўны універсітэт інфарматыкі і радыёэлектронікі
– Беларускі нацыянальны тэхнічны універсітэт